近年香港出現了一種「神化」風水力量的怪現象，無論係事業不順、錢財不就、感情欠奉、甚至乎連生育問題，大家都想搵個風水師傅幫佢擺個風水大陣來解決上述問題，有道德嘅師傅會先同你做個綜合分析，如果發現你所面對嘅問唔關風水事 / 或者風水之助力對你所遇到的問題是有限時就會同你解釋風水對你幫助有限。一個唔好彩遇到個無乜道德/以賺錢至上嘅師傅時，佢唔理三七二十一就幫你佈個風水"大陣"，表面上好似幫你做咗好多嘢，但事實上幫助不大。

每個人眼前當下所遇到嘅問題其實是他的"果"，這個"果"是昨日種下的"因"，世間上無一種風水門派可以幫人改因果的。那麼人們睇風水有何用？風水是一房門選擇的學問 - 透過風水學問，人們可選擇有利於佢哋嘅生活空間、亦可選擇有利於佢哋嘅擺設，從而做到「趨吉避凶」，風水只可助你於行緊衰運時減輕其負面因素，但風水絕不能將你由行衰運變做行好運，另一面，風水可助你好好把握好運時帶給你們的彩數，讓你錦上添花。

舉例 - 家屋風水之生育問題

大概喺6年前，我幫一對夫婦睇八字，當時我同佢哋講：「你哋兩公婆嘅子息位都好弱，如果要生小朋友要快啲生，否則，越遲就越難生㗎！正所謂：有仔要趁嫩生啊！」佢哋當時剛剛結婚無耐話仲想過吓二人世界，同埋想想發展下事業，暫時唔想咁快生小朋友住。 上月呢對夫婦又再嚟揾我問子息及屋宅風水，我起完支卦就同佢哋解釋子息難求，原因起卦中顯示出二人之生育健康先天有問題而導致好難懷孕，這信息跟他們的八字信息是同步的，我講完之後，老公才説出二人早前揾醫生睇過，而且人工受孕成功，但太太不到三個月就小産咗。當時同朋友傾開呢件事，朋友就話唔知關唔關間屋嘅風水事，就介紹咗個風水伯伯俾佢哋……風水伯伯睇完間屋就話間屋好差，差到令你老婆小産，佢仲話衰嘢仲會接二連三咁嚟，叫佢哋兩公婆快啲搬。 我去到間屋實地堪察完就同佢分析，間屋嘅風水雖不至於好好，但亦未差到一定要非搬不可，而且依我睇還不算太差………我同佢哋解釋風水的確可以摧動生育，但必須配合一個現實條件就是夫婦二人必須健康良好，具備生育能力方可。試想想，任何一方缺乏生育能力，那又如何可以圓其所夢耶？風水不可能「無中生有」，凡事不離「情理」二字。