Search
  • 孔祥德

羅庚的誤差


年初上咗去一間office睇風水,之後客人要求我上去佢office再望一望佢房間之風水擺設有無錯漏。上去睇當日係星期日,佢公司不用上班,視察完後,我告訴客人無問題。上星期,呢位客人打俾我占卦問事,解答完佢之後我哋閒談咗一陣,其間佢話近來事業都幾順,無乜大問題,但坐喺隔離房嘅同事就慘喇,佢負責嘅Projet經常出問題,我想問隔離房嘅同事都有搵其他風水師傅睇過,我哋兩間房同一坐向,但點解內裏的風水擺設會有咁大分別嘅,說罷我便跟他說,其實上次到你Office睇風水時我都有留意你同事房間的擺設,但你同事又唔係我客人,我不便多言,如果你問到我就答你,其實幫佢睇風水嘅師傅度錯咗方位,佢間office嘅風水擺設係依據另一方位而佈局........這樣,他的事業怎會好呢!

其實,我們風水師用羅庚量度坐向時,經常會出現中央的磁針非常不穩定或時有偏差而無法準確量得坐向或度數的情況。例如由庚山甲向,行前幾步則變為辛山卯向之類。坊間大眾一般都誤以為中央的磁針非常不穩定是因為「不乾淨」所致。但事實上這情況是因受宅內鋼筋牆身影響,或現場電器等影響。磁針前後出現偏差並不出奇,要準確量度出宅內的坐向就要靠師傅的功力了。 大家要緊記風水原理只涉及一些大自然能量,完全不涉及鬼神。

#孔祥德 #風水 #占卜 #擇日

67 views