孔祥德占卦算命

何謂盲年? 西方人以踏入一月一日為新一年的開始，而中國人則是以踏入農歴年初一為新一年的開始，孔祥德師傅稱大多人誤會傳統計法，因在曆法計算上並非以年初一為分界，而是以立春為凖，而立春日子大多是在2月4或5日，即大多是在年初一之後，一般人視立春為生機勃發、萬物復蘇的意思，也代表著事物處於萌發階段，孕育新的生命，這些含義無不是吉利的象徵，男女婚戀在古代是傳宗接代、添人加口的象徵，自然要圖個吉利了，若該年無立春日則視為盲年。 不少人(包括坊間一些行家)認為如果該年無立春(盲年)不宜嫁娶，本人認為這說法是荒謬的。因結婚擇日重點其實是在於(i)一對情人的年庚八字; (ii)解神擇吉; (iii)星宿吉神; (iv)喜用神擇吉; (v) 避免在農曆的三月(清明)、六月(各分一半)和七月(為傳統的“鬼節”)，這三個月皆不宜辦喜事。 做好以上幾點，即使該年是盲年，一年三百六十多天必能找出適合的日子結婚。假若在新人命格中，選定吉日有天德貴人，月德貴人及天月貴人等吉星在，兩人必能福星高照，獲得美滿婚姻生活。 #占卦 #孔祥德 #占卜 #算命 #擇日

入伙裝修前，好多人都會搵師傅擇個吉日動土裝修，祈求事事順利。就係年初有位客人(陳生)搵我幫佢擇日裝修。 陳生新居是位於將軍澳一新落成的私人屋苑，此宅坐辛(西)向乙(東)，由於二月暗建煞入中宮是不宜動土裝修，所以我先係正月擇咗一日俾陳生搵裝修師傅喺吉日於吉方輕輕動一動來作個動土儀式，然後吩咐佢等過埋三月才可開裝修。 到三月尾我收到陳生來電，佢話好彩聽我講無急於係二月裝俢，因為佢新屋廚房嘅喉管無故爆烈而滲水，情況都頗嚴重。幸好因還未裝修，佢仲可以叫管理處來免費修補，否則，管理處定可話喉管爆烈是因裝修師傅於裝修期間整爆而拒絕免費修補。 正所謂吉凶生乎於動 - 於吉時動在吉方喜慶增，於凶時動於凶方禍必侵。 #風水 #孔祥德 #占卦 #占卜 #算命

擇日搬屋一般嚟講要兼顧三方面 - (i)宅內人丁的八字(以年、日為主)；(ii)屋宅坐向；(iii)所選擇之日子是否適宜。 首先翻 開 通 勝 ， 在 見 到「宜 」字 下 有 「 移 居 」 或 「 安 床 」字 眼 的 日 子 ， 就 表 示 該 日 適 宜 入 伙 。 搵到適 宜 入 伙的日子是第一步。 第二步就係要將此日跟宅內人丁的八字夾一夾睇下是否相沖。 第三步就係將此日跟屋宅之坐向相夾。 第四步就係於所擇嘅吉日吉時進行入伙儀式。 擇日搬屋看似很簡單，但內藏很多學問，並非只是從通勝裏搵到「 宜 」字 下 有「 移 居 」或「 安 床 」字 眼 咁簡單。 #風水 #占卦 #孔祥德 #算命 #占卜

過咗農曆年無耐，有一位客人(Y小姐)經朋友介紹搵我幫佢睇Office嘅風水，呢位Y小姐係做美容院Sales的，佢每個月都要完成指定銷售額，達唔到標的話都幾頭痕，Y小姐話過咗年之後銷售額強差人意，壓力頗大........ Y小姐嘅Office 係(八運)坐丑向未，旺星到山到向，格局相當唔錯，但要緊記睇辨公室風水唔單只要坐向行運，還要審視(一) 環境(巒頭)是否配合得宜；(二)流年飛星之衰敗得失；(三)室內擺設之配合。 Y小姐嘅Office於2017年(丁酉) 客人進入之方是三碧祿存加臨；七赤破軍星到office向; 而五黃星則到南方。經我將Y小姐嘅Office重新佈局後，不到一個月便收到Y小姐來電話業積已有改善。 以下就係辦公室風水之6大守則 - 1. 佈置不應太花巧; 2. 坐後而有靠山; 3. 向前不可有尖、角、斜向之物件沖射; 4. 座位出入口宜暢通; 5. 不宜放置擋煞物 - (例) 古劍、八卦、神獸(貔貅、麒麟); 6. 選錯植物易招來小人。(要選擇合適的植物，及擺放適當位置) #占卜 #占卦 #孔祥德 #風水 #算命 #改名

本月初本人去咗一間位於黃大仙嘅屋宅睇風水。此宅屋向面對「消防局」建築物，究竟屋前有「消防局」會對屋宅嘅風水有咩影響？ 首先，看風水之步驟：一看宅體、二觀外巒、三看內局、四格坐向、五察光暗、冷暖(氣色)。此宅向前(外巒)是消防局，即每當有消防車出勤時鐘聲必響(頻密者便成聲煞)，鐘聲五行屬金，在此對屋內嘅人嚟講是會容易弄傷手腳(大意/無端端)。 另外，此宅大門直通廁所門，風水學上是不利健康......還有客、飯廳應如何佈局、甚麼叫做文昌位？、主人房有咩要注意？、廚灶又如何？，還有很多很多，所有答案都寫哂喺一本屬你家居嘅「宅運講解」裏。如想對自己屋宅嘅風水進一步了解，祥德可以幫到你。 #風水 #孔祥德 #占卦 #占卜 #算命

人由幼年到童年，至少年，青年，壯年，老年，不斷推進，歲月不停，這就是生命運行的旅程。人在生命自然運行的旅程中必然有很多慾望，而這些慾望很多時都會高於人們的個人力量或不是個人能力可控制的。例如愛情不如意、工作不順利，人際關係差及缺錢買樓等。每當遇到上述情況之時，好多人都會傾向借助風水的「神力」- 甚麼已開光的風水法器、甚麼風水大陣及種生基來幫自己提升運氣及改變命運，又或是借助一些宗教的神力來將自己的運程提升。例如: 佩戴泰國佛牌、透過泰國高僧的法力幫自己作法轉運，或是刺符、貼金在自己身上，從而提高運氣。這些人的心態是急功近利、想不勞而獲，他們只想捷徑去達到自己的慾望/心願。但他們這些心態係大錯特錯嘅，他們不但只不能如願，很多時反而會因此而財、色兼失。 從事算命、術數這行的人當中亦有不良份子，他們會將中國的五行術數跟宗教的神力扯上關係，再用市場包裝學將自己包裝成擁有法力的高人，可用術算五行幫人催/改運，這些都是騙子，他們都是利用大眾急功近利、不勞而獲的心態以術數改運來騙財、騙色。從日常新聞報導中大家都會聽到不少案例，例如: 城中名人因官司、惡疾纏身，

上星期擇咗個吉日(正月十六)幫客人嘅新居拜四角，儀式完咗之後我哋傾開偈我先知道客人完來唔知拜四角的意思是甚麼。今次就等我講下甚麼是拜四角..... 拜四角主要有三個意思 - (i) 表示禮貌地向新屋的土地打個招呼，所謂「入屋叫人，入廟拜神」; (ii) 祈求入伙後人丁旺盛、屋宅昌隆; (iii) 火(焚香)於意義上有助驅走蛇蟲鼠蟻，及趕走不潔的東西。 祭品 - 「拜四角」之祭品共有五份，用紙碟盛載，每份祭品有生果[四個角各放一個(蘋果)，而 中間則放5個蘋果，除生果外，還要有殼花生一堆、糖果五粒、連皮毛的肥豬肉一小件、五色豆 (紅、綠、眉、黑、黃豆) 各少許、二十一支香及五對蠟燭。 首先將一份祭品，擺放在大廳中央，放三杯燒酒( 中央)，其餘四份分別放置屋內四個角位，合共五份。燃點二十一支香及五對蠟燭，首先站在中央向當天三拜，心中默默禱告許願，誠心禱告，祈求各方貴人，保佑家人出入平安、家宅安康，夫妻和氣、財源廣進、身體健康、龍馬精神等等。然後由東面開始，東南西北順拜四角，手握二十一支香及五對蠟燭繞著全屋用香薰一次，先廰-->房-->廁所-->廚房，

俗語有云：「唔怕生壞命，最怕改錯名。」其實，命要生得好之餘，名更要改得好，人嘅名字之所以咁重要，係因為人身在世跟外界的一事一物是脫不開五行關係的，我經常話人生難離五行中，而人與他的名字根本上是兩位一體的，人一出世就有屬於他的八字，而每個八字都有其獨特性及不足之處，取得一個合適的名字的確是會對人的運程有所幫助的，何謂合適的名字？第一，名字的意思一定要配合八字的特質；第二，名字有八成係讀出來的，所以一定要好聽；第三，名字定要填補八字五行不足之處。因此，我們改名應著重名字的字義、名字的音韻及名字之五行來配合人的命格來改，而名字筆劃之吉凶是無根據的，可以不理。 那麼，是否真的有改名轉運這回事？人的命運是與生俱來而不會因轉名而改變的，成人想改名轉運十居其九是這一刻佢行緊衰運，做算命幫人改名的理應做個綜合分析，睇睇這人的名字跟其八字是否相配。相配者，就算行緊衰運想改名都應勸佢不要改，因為如我所講取得一個合適的名字只是會對人的運程有所幫助的，即是行好運之時，相配的名字可以加強運勢；行衰運之時，相配的名字可以使你無咁差。 #算命 #占卦 #孔祥德 #改名

客人陳小姐打電話嚟問卦，佢問究竟好唔好辭工後再搵工？佢話頂唔順份工.....我隨即幫佢起咗支卦，卦像結果顯示：(1) 而靜不宜動，切勿輕舉妄動； (2) 現階段未有機緣搵到合適嘅新工轉到；(3) 要到農曆四月才有機會搵到新工。而卦象更指出：「論升職及發揮，而家份工就無份喇，但工作並非太辛苦，而且相對穩定，騎牛搵馬都未賞不可」。聽完我講之後，陳小姐才講，而家做緊份工確實唔辛苦，而公司規模較細，上升空間相對困難/有限，而最唔滿意嘅就係職權上比起之前份工小咗，所以才想辭工後再搵新工轉。 #占卦 #孔祥德 #算命

植 物 在 風 水 學 上有 催 財 、 聚 財 、 擋 煞 、 化 煞 及 加強(桃花/人緣)等 作 用 ， 不 同 需 要 可 選 用 不 同 的 植 物 及 擺 放 於 不 同 位 置 。 眾所周知，廁所是排放肮髒污物嘅地方，無論在任何方位，廁所亦是產生腐敗空氣之地，如廁所處於睡房之內(套房)，對睡房內嘅人之健康的影響更甚。化解之法有三................... <第一> 廁所門常關; <第二>於廁所內擺放植物; <等三>廁所門掛上香薰包。 今次就等我同大家下有咩植物可以放置喺廁所內用作化煞功用。 1. 竹柏 - 竹柏能有效吸收空氣中的有害氣體，產生負離子，有益人體健康。 2. 銅錢草 - 銅錢草氣味清香，能殺菌、滅毒。 3. 豆瓣綠 - 豆瓣綠具有很強的美化環境、靜化空氣功能。 4. 迷迭香 - 迷迭香能淨化空氣、殺滅細菌，還能使空氣清香。 5. 薄荷 - 薄荷清香怡人，有極強的殺菌、抗菌作用，使周圍空氣清新。 6. 虎尾蘭 - 虎尾蘭有天然的空氣清道夫之稱，研究証明一盤虎尾蘭能吸收10平方公尺內 80%以上的有害氣體，尤其是

初六晚有位有Sales嘅客人打俾我問:「明日初七公司請咗一班醒獅團嚟賀歲，咁啱我又放假，咁會唔會唔老泥㗎？」..........做Sales嘅人對這些事真係特別敏感，小小事都會觸動到佢哋神經。我隨即答佢唔怕嘅、唔怕嘅，只要你叫人將你嘅房門打開，等隻醒獅係吉時入去舞兩舞，採個青，等你攞返個意頭就得啦! 其實，但凡農曆年假後開市嘅醒獅賀歲之目的一般有三........ <第一> 鎮邪招福 - 據傳說（獅）是天龍九子之一，職司守門及辟邪驅魔，興隆祥瑞靈物。所以，醒獅賀歲可驅除舊一年嘅一齊衰氣及迎春接福，令公司/鋪頭生意興隆。 <第二>引人注目、吸引人流 - 新春開業最緊要係乜? 當然係人流/客人啦，舞獅進行中定必大鑼大鼓引人圍觀注目，開張/開業最緊要就係人流，否則鋪頭開咗都無知，搵鬼幫襯。 <第三> 年後醒獅賀歲其實對獅隊嚟講都係一門生意。 其實，本人認為這些節日活動心理作用(佔七)多於實際作用(佔三)。 #孔祥德 #風水 #算命 #占卦

大概係一年前，有位朋友(化名: 阿詩)打電俾我求救，我問佢咩事? 阿詩跟住同我講..........佢叔仔同細佬都分別向佢哋兩公婆借錢做生意，由於朋友阿詩同老公二人儲咗一筆錢擺係銀行度，所以老公就話不如二擇其一就當係投資啦，由於阿詩擔心辛苦儲返嚟嘅錢會化為烏有，於是就打俾我問究竟如何選擇。 就阿詩嘅問題，我分別起了兩支卦，一卦問應否借錢俾叔仔做生意，另一卦就問應否借錢俾細佬做生意，兩支卦嘅結果都係叫佢阿詩死守不借，如果將啲借俾佢哋做生意非但無回報，而且仲會係劉備借荊州，一去無回頭，到時喊都無謂。 大概係兩個月前，阿詩再次來電向我查問有關出年(2017年)風水擺設嘅問題，期間阿詩向我透露佢兩公婆畢儲蓄無咗囉，.......但就並唔係借咗俾叔仔或者細佬，而係放咗喺供緊層樓度，而家由於唔洗供樓，每個月手頭都鬆動咗好多。 其實，在人生的路途上所遇到的事可謂多不勝數及千變萬化，每一個選擇(因)都係會影響著日後的你(果)。因此，每當遇上難題而不知如何抉擇時，大家可以透過占卦問事來幫你作出適當的選擇。就以上例子，阿詩始終守唔住畢錢，但放咗喺供緊層樓度變相係用「

本人將來會籍著此blog及Facebook渠道分享一些有關中國術數的知識及案例，如有不足 錯漏之處，懇請各方好友賜教斧正。 #孔祥德 #占卦 #算命